انا واحزاني
يارب تعبت وعايز احكي
انا مليت العيشه وحدي
ومليت طبيعتي واسلوبي
انا لما بتعب ببعد عن نفسي
وده عيب من ضمن عيوبي
يارب انا نفسي ف صاحب
يفهمني قبل ما احكيله
لو يزعل بعشم نتعاتب
انا كرهت جزء الشاعر فيا
اللي وقت مايتآلم
يروح للشعر ويشكيله
انا نفسي ف ناس تسمع
وقت ما اكون حاسس حزن
ولو حسيت بشيئ يوجع
الاقي لوجعي الف حضن
انا عارف يارب اني ببعد
عن ناس يهمهم وجودي
لكن انت عارف ده طبعي
بعمل كده غصب عني
وبقول دايما مش ضروري
ومحدش هيهتم يسمعني
فبشيل لوحدي حمولي
بس نويت اقربلك انت يارب
عشان واثق جنبك هرتاح
هلاقي زيك مين يحس بقلب
هم الدنيا سرق منه كل براح
