وحشاني قصيدك

 

 

وبتقولي وحشاني قصايدك . غايب ليه كل ده عن حبايبك
أوعي يكون في حد صايدك . أو يكون في حد بعدي عايزك

أكتبلي انهاردة قصيدة جديدة .
تقولي : لما أنا دخلت حياتك بقت حياة سعيدة
وإني الأحلي والأجمل من القريبة والبعيدة
وإني أقرب من القديمة والجديدة

ولا أقولك هات قلامك وأوصف عينيا . وسحر الليل اللي بتشوفه فيا
لما تبص فيهم أو تلمس إيديا . أو رموشي لما تملا جسمك جروح عتيه

أو أقولك هات كتب كل الشعرا والفنانين . قولي من فيهم زيي مين
عبلة ؟ ليلي ؟ دول جمبي يبقوا مين 

 ولا فستان سندريلا أحلي منه شريطة في ضفايري الصغيرين

لا هقولك 

 
لا هقولك أنا يا صبيه . كلمة مني يمكن بس تكون عفية
كلمة نصيحة ليكي وليا . تنفعنا أوي كل سنينا اللي جاية

هاتي حبيبك وللرومانسية عرفيه . أحكيله قصص الحبايب وفهميه
وهاتيله ورق وقلم وكتّبيه . وسمعيني وسمعي نفسك وسمعيه
وشوفي مين فينا أنتي ليه أمنه وأماله . مين عشانك كان ممكن ينسي حاله
مين هتكوني له أمه وبيته وعياله
 

أنا ولا هو ! مين عشانك يقبل في حبك حتي أحتلاله ؟