مج شاي
قلبت حلمي ف مج شاي
فاتبخر وطار ف الهوا
ومن كتر ما انا نساي
بنسي ساعات مين انا
وكل ما اتوه بقول ازاي جيت للمكان ده
وانا عمري ما حبيت اكون هنا
وابص لبكره نظره جريئه
بعين طفل لسه بسماته البريئه
واعيش ف الحلم من صغري
واسعي ف تحقيقه ع مهلي
واتعب عشان الاقي الطريقه
قلبت حلمي لحد ما داب وطار كما الدخان
فاعيش حالة اكتئاب
واكون دايماً زعلان
واتسرسب مني لحد ما اكون فاضي
وابص لنص الكوبايه الفاضي
وانا سايب النص المليان ف الماضي
واقول عادي ده طبع الدنيا من كام سنه
انا بطلت احلم عشان حلمي بيتبخر قوام
وبيطير بسرعه ف الهوا
