مبروك عليك

بــدون ما تحكــي معــزوره
وعــارف ما بيــدك شــي
أكيــد يا غاليــه مجبــــوره
بكتــب ليك بقــول مبــــروك
تعيشــي معاهو مسـروره
وتنسي هــواي سنيني معاك
ولا تطــريني في الصــوره
وأفــرحي إنتــــي والأيــام
معاي أحزانــي مقــدوره
وصلت أقــول أبــارك ليــك
لقيــتك إنتــي مقهـــوره
وما ذنبــك إذا قصبــــــوك
ولا ختــوك في الشــوره
وحكمـو علي هوانا يمــوت
نعيش الفرحــه مهجـوره
وأشــوفك بي زفاف ابيــض
وما خاتيني في الصــوره
ورغم جمــال ملامحك لي
ملاحــظ كنتــي مقهــوره
تظهــري في بريق سنك
عشان ما يقولو مســروره
معاي مهما تدسي هواك
بريــق احلامنــا منشــوره
أمــد إيــدي وأسلم ليــك
واهمس ليكي معــزوره
أشوف الحسره في عينيك
تــردي بنبــره مقهــــوره
يبــارك ربــي في عمــرك
وتسكتي حاسي مجبوره
وين كلمــات لقانا قبيــل؟؟!
ويــــن ونساتنا بي قولــه؟!
وتفضــل إيــدي في إيدك
بترجــف إيــدنا مزعــوره
وأبارك لي سعيـد الحظ
حياه زوجيــه مستـــــوره
وأشوف الدمعه في عيني
وجــوه رموشي محصـوره
وأقيــف لحظات أعاين ليك
ملامح ذكــرى منســوره
تفاصيل قصتــــــي الكانت
حليــل أيامنا في طــوره
وحليــل الحـب زمن بي خير
بينتهي قصــه مســروره
خلاص الليله سجنــو هواي
وحكمــو عليــنا يا زولــه
نــودع في الغــرام نظلـم
قلوبــنا الديــمه مــزلولـه
أســوق احلامي لي جواي
مع أشــواقي مأســوره
وأفــوت لمن دموعي تقيف
علي خدي الحزين صوره
أخاف تلمــح عيــونك لــي
تغلبــك دمعــك مجروره
أسابــق في خطاي ابعــد
وأقــول واللــه معــــزوره
وما يشــفق علي قلبــك
مش الأحزان دي مقدوره
بعيش باقي العمر ذكراك
وعارفــك كنتي مجبـــوره
قدر بيمشي فينا ظــروف
وكلــو من اللــه مقبــوله
سنين قضيتا كنت معـــاك
قلوبنا الليــله مكســــوره
نكون بس عبره للعشــاق
مجــرد قصــه مشهــوره