انا مش لاقي هديه توفي احساسي

انا مش لاقي فـ بداية العام
هدية توفي إحساسي
وتضرب كل أجراسي
فتبعتلك تمام حُبي
انا مش لاقي فـ بداية العام
هدية ترمي إخلاصي
فـ جوف قلبك فتتدفي
انا مش لاقي
كلام ينفع أقولهولك
كما اعتادتي فـ أشعاري
كلام ينفع يخليكي
كما المجنونه مفتونه بغرام قلبي
أنا هتمنى اكون ليكي
جناح فضفاض
يسيع أجمل معاني الحب فـ وجودك
ويرميكي ورا القمرة
وأكون ليكي إيدين ناعمة
تزيح الدمعه عَن خدِّك
وأكون واحد بيسمع كلمة أول مرة يسمعها
"قبلتك أن تكونَ زوجًا لي"
فقلبي يطير من الفرحة
وفـ بداية سنة جديده
أشوف مولودنا بيوأوأ
ويعجز بردو قلمي عن إحساسي
بقدملك كلام لو ربع احساسي
فتبتسميلي وتقولي
يا حب العمر اللي عايزة تقوله

دا جويا ولو سنين العمر تفوت

مش هتوصفلك بردوا احساسي♥ ♥