عاشق سواد الليل ونجوم السما

عاشق سواد الليل ونجوم السما والقمر
عاشق رموش عيونك اللى علمونى السهر حبيبى يا قمر يا ورد منور على الشجر
رمش عنيك خلانى عاشق سواد الليل ونجوم السما والقمر
حبيت اوصف جمال عنيكى وسحر رموشها
طلب القلم من قلبى ينطق ويوصفها
نطق قلبى بخجل ازاى اوصف عيون عجزت من جمالها انى اشوفها
طلب القلم منى يروح بنفسه لحبيبتى يشوفها
غيرت عليها منه رفضت وبدأت بنفسى اوصفها
وصفتها وكتبت شعر فى كل حروف اسمها
و بدأت اوصف جمال عنيها ورمشها
وفاجأه !!
دخلت حبيبتى وانا غرقان فى حبها
ساب القلم ايدى وراح لحد عندها
نام القلم بين صوابعها الناعمه واتهمنى بظلمها
علشان مفيش شعر ولا قلم يقدر يوصف سحرها
من شده الغيره اخدت القلم وبعدته بعيد عنها
كسرت القلم من غيظى كتب بحبره بحبها