مفيش مقارنه بين حبيبتي وبين اي حد
ما أسمحش لأي واحده تقارن نفسها بيها ....
ملكة جمال العالم ماتجيش حاجه جنب عنيها ...
هي دي اللي عرفت تاخدني وعيشتني العمر ليها ....
نستني أسمي واللي فات من عمري قبليها ....
خلتني من قلبي أدعي يارب ليا خليها ....
هي دي آللي أنا بحلم ولادي يتربوا علي أديها...
بقيت عايش ليها لوحدها ودموعي تنزل لو حسيت بوجع فـ قلبها
يارب خد من فرحي وأديها ....
أنا نفسي أجيبلها الدنيا بحالها ...
متهيألي السما مخلوقه علشانها ....
وقمر أيه ده اللي يتساوي بجمالها ...
دي هي ف الجمال آيه والمعاني الحلوه فيها
مابتعرفش تجرح وأول ما أشوفها قلبي يفرح ....
وبحس بأن الورد ف الأرض بيطرح ....
وبدوب من أحساسي بيها ...
بتخطف من نفسي وهي معايا ...
ويااااااه لو قولت بحبك وقالتها ورايا ....
ما أسمحش لواحده تقارن نفسها بيها ....
حبيبتي أنا من الدنيا كفايه ....
وكلمه ملاك بجد قليله عليها ...
لو بصت لغيرها يبقي أنا بجد أناني ...
هو أنا كنت أطول واحده ف جمالها تعيش عشاني ....
حبيبتي وهي فـ حضني هتمني من الدنيا بس أيه تاني ....
عايش جنبها فـ جنه وأموت بعديها .....
هي دي آللي أنا بحلم ولادي يتربوا علي أديها...
أنا حبيبتي جاتني هديه وكنت مستنيها ....
كل حاجه حلمتها فيها بلاقيها ...
معقول يكون فيه كده زي ما حلمت بيها ....
يحرم عليا اليوم اللي هكون فيه ناسيها ....
ويارب تكون هي ليا وأكون أنا ليها...
