رغم سني الصغير

رغم سِنّي الصغير
وشعلقتي فـ حبل البسمة والضِحكة
وخيط الشمس اللي بفرد منه أمتارًا
فـ عز الليل ولم نِدفى
زماني بيقلب الدَفه
سنين مربوط فـ ساقية حب واتاري تروسها مش لافّه
ضفاير موت بتغزل نفسها دومًا
على جبين الزمن..فنخاف
تجاعيد الفراق والشوق
فـ جوف قلبي
ولا بتنطق ولا بتتشاف
ملامحي بريئة من عينكم
ومن لومكم
ومن أفكار بتتوارد على عقولكم
فبنشوفني كما المحظوظ
وانا أصلاً بعيش بينكم
كطفل كبيربقلب عجوز

من سنين وانا بينكم

ونفسي لو اشوف املكم