انا الطفل اللي اتقتل جواه حلمه

أنا اتعودت من صغري
على العجز اللي مدد صورته جوايا
على الضوء اللي مش قادر
يمد إديه ويسندني
على كوباية اللبن اللي بشربها
عشان خايف من الغوله

أنا حلم اتصلب مغصوب
أنا الواد اللي عاش مغلوب
أنا شيء انتهي أمره
وعاش الدنيا بالمقلوب

فمتزعلوش
لو قلبي صار مُعتم
كما حتة من جِسم القمر
لو يوم قتل فيكوا البراءة
أو خنق مرة الأمل
وابقوا اعرفوا
إن اللي يوم حلمة اتشنق
صعب إنه يُشْعُر بالبَشَــر