ايه الجديد فى الحب

ايه الجديد فى الحب وحكاياته ؟
ياترى فى جديد ؟
ممكن يكون فى جديد
يحلى الدنيا ويرجع للحب هيبته وذكرياته

قلبى لما قال بحبك كان الحب هو حياته
هو اللى بيرسم ابتسامته وفرحته واحزانه واهاته
كنت لما بقول كلمه بحبك يترعش قلبى واحس انى بطل 

من ابطال الحب يتسجل اسمى فى روياته

من ايام ادم وحوه والحب هو هو ومفيش جديد
حتى لما حبيتك برضوا مفيش جديد
مكنتش يعنى بطل ولا بتولد من جديد
واللى جاب الحب من بؤ الاسد من جوه
ولا كنت عنتره اللى حارب علشان حبه بالقوه
ما انا اصلا غلبان مش فتوه

حتى بعد عنتره وبطولاته لسه الحب هو هووايه يعنى الجديد
ما انا ممكن اعمل برضوا اللى عمله هو واقول فيكى الشعر

 ليل ونهار بس برضوا مفيش جديد

تعرفى مين السبب فى الحيره اللى انا فيها انتى السبب
انتى اللى خلتينى اتريق على كل قصص الحب لانك مش فيها
على كل كلمه حب اتقالت على كل مشاعر اتحست
وكل القلوب اللى مالت على كل ورده دبلت علشان محطتيش ايدك عليها

ما انتى اصعب من انى حتى اشوفك فى احلامى
اصعب من انى احبك حب عادى حب اعتيادى
اتحب قبلك كتير وياما شوفته فى منامى

كان نفسى اعيش لو يوم واحد فى قصه حب عاديه
ولما شوفتك وقولت بحبك افتكرت انى قولت الكلمه اللى هى
ومشيت اتباهى بنفسى ما انا واد رومانسى
قولتلها بحبك واديتها هديه
بس ايه الجديد برضوا مفيش جديد

فكرت ارفع عليكى قضيه واقول انك ملاك فى شكل بشر مستخبيه
سحرتينى وقولتى تلعبى بيا ما انا واد لؤطه ولقيه
فقولتى تتسلى بيا اه تتسلى بيا لانى مستحيل احبك حب عادى حب اعتيادى
 

مستحيل حوريه من الجنه تكون ام ولادى ده انا انسان بسيط
وانتى مينفعش تعيشى قصه حب عاديه 

 وياخساره الحب مفهوش جديد يخلى انسان زيى يحب حوريه