يارب رجعلي حبيبي

الهم مهموم علشانى وعلى البكا انا سهران
والقسوه بكت عليا وقلبى بينزف وجف فيا كل شريان
وقلمى حس بألمى من رعشه ايدى وانا تعبان
ولسانى منع الكلام وجسمى بيموت بالبطئ عطشان

ليه يا حـــب تغدر بيا ده احنا عشره من زمان
وقبل بسمتك ليا عشت معاك قصص واحلام
وكنت دايب فى العشق والغرام فاكر ان بيك مفيش اسعد منى انسان

رد الحب باستغراب اما صحيح مريض تعبان
دى اول مره بشوفك عندى هخليك سعيد فرحان
ومفيش اسعد منك فى كل الكون انسان

ازاى يا حب ؟؟
ازاى يا حب بتتنكر منى ده انا جتلك ومعايا بنات اشكال والوان ؟

 فيهم اللى كانت هتموت عليا واللى قالتلى فداك حياتى كمان

واللي تقولي هديك عمرى وعليك شويه كمان

سألنى الحب كام سؤال
وقال من فى حياتك شغلت البال ؟
وعرفت ان البعد عنها محال ؟
مين اللى علشانها عاوز تهد الجبال؟
مين اللى بكيت بين ايدين ربك بتطلب تكون نصيبك وليك ام العيال

اهـــااا يا حب
والله ده انا اول مــــره فى عمرى بحب
وبالبسمه اللى على شفايفى عرفت معنى الحب
اهــاا يا ماضى ملعون ظلمتنى ولسه مسبتنيش
بس وربى اللى فوق سبع سموات انى سيبتك ونسيتك
علشان غير حبيبى فى كل الدنيا ميهمنيش
يـــارب برحتمك رجعلى حبيبى علشان أعيش

يـــارب يا عالم الغيب وعالم باللى فى القلوب
يا شاهد عليا وكله عندك فى كتاب مكتوب
حنن قلب الغالى عليا ورجعلى بسمتى
اللى علشانها اتغير حالى وليك يارب شكوتى
 

ولو هموت يــارب تسامحنى وتكتبلى على تربتى
وثقت فيكي وحبيتك ودى يا حبيبى وصيتى

خلى بالك من روحك لانك اغلى من دنيتي